Azken egunotan lapurretak egin dituzte herriko hainbat saltokitan eta etxebizitza batzuetako garajeetan, eta lapurreta saiakerak ere izan dira beste hainbat gunetan. Lapurreta horien harira, Azpeitiko Udalak jakinarazi duenez, hiru atxiloketa egin ditu Udaltzaingoak, Ertzaintzarekin elkarlanean.
Hala eta guztiz ere, dendetan nahiz garajeetan adi ibiltzeko deia egin du udalak. Era berean, zerbait arraroa ikusiz gero, Udaltzaingora deitzeko eskatu du erakundeak; 092 telefono zenbakira, hain zuzen ere.