Lin Ton Taun eta Rodeo taldeen kontzerturako hiru asteren faltan, sarrerak agortu egin dira. Zestoako harrobiko bi musika taldeen zuzenekoa izango da azaroaren 12an, Sanagustin kulturgunean, 22:00etan hasita.
Zuzeneko horrez gainera, musikazaleentzako eskaintza oparoa antolatu du datozen hilabeteetarako Kulturaz kooperatibak Sanagustin kulturgunean:
- Azaroak 25, ostirala. Joseba Irazoki eta Lagunak nahiz Maraca Diablo. 22:00etan. Lotura honetan eskura daitezke emanaldi horretarako sarrerak.
- Abenduak 10, larunbata. Delirium Tremens eta Unidad Alavesa. 22:00etan. Hemen eskura daitezke emanaldirako sarrerak.
- Urtarrilak 21, larunbata. Willis Drummond, Ro eta Trini Fox taldeak. 22:00etan. Lotura honetan eskura daitezke emanaldirako sarrerak.