Lagun Onak futbol klubaren talde nagusiek zapore gazi-gozoarekin amaitu dute asteburua; izan ere, partidak berdinduta, puntu bana lortu dute gizonen nahiz emakumeen taldeek. Emakumezkoen Ohorezko Erregional Mailako taldeak etxean neurtu zituen indarrak, larunbatean, 17:30ean hasita, Beti Gazteren aurka. Azpeitiko taldea une oro aurretik izan zen markagailuan; 2 eta 1 iritsi ziren atsedenaldira, Nahiaren eta Joaneren golei esker. Dena den, partida amaitzeko gutxi falta zela, Beti Gazteren gola iritsi zen, eta beraz, 2 eta 2 amaitu zen neurketa. Gaur-gaurkoz, 11 puntu poltsikoratuta, zazpigarren postuan da Lagun Onak.
Gizonezkoen talde nagusiak, bestalde, atzo –igandea– eguerdian jokatu zuen neurketa, 12:30ean, Eibarko Unben, Vitoriaren aurka. Hutsean amaitu zen partida. Une honetan, guztira zazpi puntu batuta, hamargarren postuan da Lagun Onak.