Kids&Us ingeles akademiak antolatuta, There is no place like space antzerki emanaldia izan zen larunbatean Azoka Plazan. Hain zuzen ere, 3 eta 7 urte bitarteko haurrei eta haien familiei zuzendutako saioa izan zen, eta jende ugari bertaratu zen ikuskizunera. Astronauta izatea amets duen neskato baten istorioa izan zen antzezlanaren ardatza, eta antolatzaileek azaldu dutenez, haurrek gogotsu parte hartu zuten kontakizunean sortu ziren elkarrizketetan. Gainera, abestiez eta dantzaz gozatu ahal izan zuten bertaratu zirenek, eta giro ederra sortu zen.
