Azpeitiko Udala hasi da Santo Tomas eguna prestatzeko lanekin. Horren erakusle da jan-edanerako postuak nahiz produktuak saltzekoak jartzeko izena emateko epea zabaldu izana. Hain zuzen ere, egun horretan plazan txorizo eta talo postuak jarri nahiz Azoka Plazan barazkiak, frutak eta loreak saldu nahi dituztenek azaroaren 15era arte egin ahal izango dute eskaera. Izena eman nahi dutenek udaletxera joan edo udalaren webgunean izango dute horretarako aukera.