Azaroaren 6an, igandez, familiei zuzendutako tailer bat eskainiko dute Azpeitiko Ekoetxean. Zehazki, 11:30etik 13:00etara bitartean, arto tailerra egingo dute han. Artoa izango da saioko protagonista, eta artaburuak aletzen nahiz irina eta taloak egiten ikasi ahal izango dute parte hartzaileek.
Saioa doakoa bada ere, plazak mugatuak dira eta parte hartu ahal izateko aurrez izena eman beharko da. Izena emateko info.azpeitia@ekoetxea.eus helbidera mezu bat idatzi edo 943-81 24 48 telefono zenbakira deitu behar da.