Santu Guztien Eguna dela eta, usadioari jarraituz, herritar ugari izan dira gaur hango eta hemengo hilerrietan, eta Azpeitikoa ez da salbuespena izan. Jendearen joan-etorri handia izan da goizean Abitainen; izan ere, asko izan dira hilerria lorez, apaingarriz eta kandelaz atontzera joan diren herritarrak. Aurreko egunetan ere ohi baino mugimendu handiagoa izan da han, herritar asko aritu baitira hango hilobiak txukuntzen eta apaintzen.