Bi urteko etenaldiaren ostean, aurten itzuliko da Tuba Jaialdia herrira. Abenduaren 9an eta 10ean egingo dute egitasmoaren 11. edizioa, eta herriko hainbat gune musikak hartuko ditu, beraz, egun horietan. Antolatzaileek azaldu dutenez, ohiko legez, tubaren eta bonbardinoaren inguruko jardunaldiak egingo dituzte egun horietan, baita erakusketa, masterclassak, tailerrak, entzunaldiak eta kontzertua ere. Dena den, egitarauari buruzko xehetasunak aurrerago emango dituztela adierazi dute, oraindik programa osatzen ari direlako.