Azpeitiko Udalaren eta Marea Urdina elkartearen eskaerari erantzunez, Atracciones Sanz enpresak puzgarri inklusiboak jarri ditu gaur, zapatua, plazan. 10:30etik 11:30era bitartean behar sentsorial bereziak dituzten haurrak eta gaztetxoak ibili dira puzgarrietan, eta orain, 14:00ak bitartean, haur orok izango du horietaz gozatzeko aukera. Gainera, aniztasun funtzionala duten herritarrek lehentasun txartela baliatu ahal izango dute. Atracciones Sanzek lehen aldiz jarri ditu puzgarri inklusiboak Azpeitian.