Elosiaga auzoan ez da Santa Luzia egunaren bueltako festetako ekitaldirik izango bihar, abenduak 13, Santa Luzia egunez. Aurten, auzoko jaiak antolatzeko ez da festa batzorderik osatu, eta ez da herri kirolik, ez trikitilaririk ezta auzokoen elkargunerik izango. Azkenengo aldiz 2019an ospatu zituzten Elosiaga auzoko jaiak; izan ere, azken bi urteetan pandemiak eragindako egoera tarteko, jairik ere ez dute izan.
Hala ere, bihar, asteartea, meza izango da 11:00etan, Elosiaga auzoko baselizan.