Azpeitiko Lagun Onak Mendi Bazkunak zein Sokaitz eskalada taldeak, Azkoitiko Anaitasuna Mendi Bazkunak eta Zestoako Agiro mendi klubak elkarrekin argiztatu zuten joan den larunbatean Piaspe proiektu eolikoa gauzatu nahi duten lur eremua.
Azkoitiko, Azpeitiko eta Zestoako taldeek egin duten gisa horretako lehen ekintza izan zen zapatukoa. Dena den, talde horiek guztiek bailaran kokatu nahi dituzten eolikoen bi proiektuen inguruko kontzientziazio ekintzak egiten jarraituko dutela jakinarazi dute.
