Erniarraitz bertsozale elkarteak asteartean egingo du Eusebio Eizmendi Txapel bertsolari zenaren omenezko bertso saioa Soreasu antzokian. Erniarraitzeko kideek jakinarazi dutenez, oraindik eros daiteke saiorako sarrerak Kulturaz.eus atarian. Hamar euroan daude eskuragarri. Sarrerarik geldituko balitz, leihatilan jarriko dituzte salgai egunean bertan.
22:00etan hasiko da saioa, eta oholtza gainera igoko dira Jon Gurrutxaga, Naia Arrizabalaga, Amets Arzallus, Maialen Lujanbio, Sustrai Colina eta Unai Agirre. Gai jartzaile lanetan Haritz Etxeberria Ministro arituko da.