Bidezko merkataritzako denda jarri du aurten ere Gabonen bueltako egunetarako Azpeitiko Parrokiako Mixio taldeak. Foru Ibilbideko udal erakusketa aretoan jarri dute denda aurten eta atzo ireki zituen ateak lehen aldiz. Urtarrilaren 5a bitartean, astelehenetik ostiralera, bi orduz irekiko dute denda egunero, 18:00etatik 20:00etara.
Elikagaiak zein hainbat eratako artisau lanak jarri dituzte salgai bidezko merkataritzako dendan. Kontsumo arduratsua eta kontzientea bultzatzea da Mixio taldearen egitasmoaren helburu nagusia.