Sanagustin kulturgunea dantzaleku bilakatuko da gaur gauean. Hilero ohikoa denez, areto dantzak egiteko aukera izango dute herritarrek, 23:00etatik aurrera. Besteak beste, salsa, bachata, kizomba eta txa-txa-txa doinuekin dantza egin ahal izango dute bertaratzen direnek. Aurreko hitzorduan hasitako bideari jarraituz, DJ bat ariko da musika jartzen: gaurkoan DJ Lorenen txanda izango da.