Olentzerok eta Mari Domingik gaur egin dute urteko lehen etorrera Azpeitira. Azpeitiko Ikastola Ikasberrin izan da bikotea, hango ikasleen harrera, esker ona eta eskaerak jasotzeko; eta Olentzero Iraurgi Ikastetxean ere izan da, hango txikienen gutunak eta besarkadak jasotzeko.
Gaur hartu dituzte Gabonetako oporrak bi ikastetxeotan, eta festa giroan igaro dute eskolako azken eguna ikasleek eta irakasleek. Gainera, Santo Tomas bezpera izanik, txorizoz eta bestelako jakiekin betetako ogitartekoak, musika eta dantza ere ez dituzte falta izan.
(Argazkiak: Azpeitiko Ikastola Ikasberri eta Iraurgi Ikastetxea)