Udal Musika Bandak urte berriko lehen emanaldia eskainiko du ostiralean, Errege egunez. 12:30erako jarri dute hitzordua, Sanagustin kulturgunean, eta askotariko doinuez gozatu ahal izango dute hara joaten direnek. Izan ere, estilo desberdinetako abestiak joko dituzte musikariek, Unai Frantsesena zuzendariaren gidaritzapean.
Honako kanta hauek joko ditu Udal Musika Bandak: Flourish for wind band, Donostia, The voice of the guns, Bandology, La greve des musiciens, Air for winds, The syncopated clock, 5a sinfonia & Mambo N 5, If i can dream eta Conga del fuego nuevo.