Patinaje artistikoko Espainiako Txapelketa izan zen joan zen asteburuan Madrilen, eta han parte hartu zuen Nahia Olaizola azpeitiarrak. Parte hartu soilik ez; izan ere, bigarren sailkatu zen patinatzailea, eta beraz, junior mailako emakumeen Espainiako azpitxapelduna da.
Madrilgo Izotz jauregian izan zen txapelketa aurreko ostiraletik igandera bitartean. Txuri-Berri taldeko Olaizolak oso lan ona egin zuen patinaje artistikoko proban, eta 111,42 puntu batuta bigarren sailkatu zen. Celia Garnacho (117,83) izan zen nagusi, eta Nuria Rodriguez (107,09) hirugarren.