Bi urteko etenaren ostean, Julian Barrenetxea abesbatzaren jaiotza eta Gabon kantuen kalejira eta eskea jendartera itzuli dira aurtengoan. Gabon egunez, 18:00etan hasi dute jaiotzaren kalejira, Perez Arregi plazan, txistu doinuekin lagunduta. Handik abiatuta, Alde Zaharreko kaleak eta plazak zeharkatu ondoren, Olazko Andre Mariaren plazan bukatu dute kalez kaleko kantu eskea. Bildutako dirua Parrokiako Caritasi emango diote aurten ere.