COVID-19ak eragindako izurriagatik bi urtez ezin izan da egin Gabonetako Xake Jaialdia, baina bi urteko etenaren ostean berriro itzuli da ohitura. Joan den astelehenean, abenduak 26, egin zuten jaialdia Oilo-Soro elkartean, eta guztira, 16 urtez azpiko hamazortzi gaztek parte hartu zuten bertan; jokalariko eta partidako, hamar minutuko bost partida jokatu zituzten. Antolatzaileek adierazi dutenez, Elgoibarko eta Irungo xake taldeetako hiru gaztek ere parte hartu zuten asteleheneko jaialdian. Ekitaldia amaitu ondoren, mokadutxoa egiteko aukera izan zuten guztiek batera.