Urteari amaiera ederra eman dio Jokin Bidezabal Ilunpe elkarteko pilotariak. Joan den ostiralean, abenduak 30, eskuz banakako jubeniletako bigarren mailako Ezker Hormako Kluben Arteko Gipuzkoako Txapelketako finala jokatu zuen Lazkaoko Lapke pilota elkarteko Erauskinen kontra, eta baita irabazi ere. Lazkaoko Joxe Miel Barandiaran pilotalekuan jokatu zuten partida, eta Ilunpeko zarauztarrak 22 eta 17 mendean hartu zuen Lazkaoko pilotaria.