Esna zaitez ikuskizunarekin, dantzan, kantuan eta festan jarri zuen Soreasu antzokia Kantu Kolore taldeak atzo arratsaldean. Haur Hezkuntzako eta Lehen Hezkuntzako ikasleei zuzendutako proiektua da Kantu Kolorerena, eta adin horietako haur asko elkartu zen atzo Soreasun; 2020an plazaratu zuen Kantu Kolorek Esna zaitez diskoa, eta lan horretan oinarritutako ikuskizuna da atzo Soreasun eman zutena, eta taldearen kantak eta koreografiak ondo baino hobeto dakizkitela erakutsi zuten ikus-entzule askok.
Udalak Kulturaz kooperatibarekin elkarlanean antolatuta Gabonetako ekintzen barruko emanaldia izan zen atzokoa.