Datorren asteazkenean, hilaren 11n, hasiko da txotx garaia sagardotegietan, eta Añotan larunbatean ekingo diote aurtengo denboraldiari, 13:30ean. Horretarako, bazkari-jaia prestatu dute egun horretarako, eta aurten, Ados elkarteko kide Oihana Orbegozo, Eneritz Arrieta eta Naroa Agirre pilotariak izango dira irekiera ekitaldiko gonbidatuak zein protagonistak. Ohi bezala, ez da trikiti doinurik faltako sagardotegian, eta Laja eta Lutxurdio arituko dira hura girotzen. Loidisaletxe II.a eta Xebastian Lizaso, berriz, bertsotan arituko dira.
Txotx irekieraren bazkarira joan nahi duenak erreserba egin eta izena eman dezake Añotako 943-81 20 92 telefono zenbakira deituta.