Iristear dira sansebastianak, eta horrekin batera datoz danborradetarako entseguak. Horietan aurrena gaur, asteazkena, egingo dute helduen danborradako taldeetako kideek. Hain zuzen, 21:00etan egingo dute saioa Izarraitz pilotalekuan. Hurrengo hitzorduak, berriz, bihar, datorren asteartean eta asteazkenean egingo dituzte. Horiek ere 21:00etan izango dira, Izarraitzen.
Umeek, berriz, datorren astelehenean egingo dute lehen entsegua; astelehenean izango da aurrena, 16:00etatik 16:45era, Izarraitz pilotalekuan. Hurrengo biak asteartean eta asteazkenean egingo dituzte, ordu eta leku berean.