Bost urte bete dira Hego Euskal Herriko pentsiodunak eta jubilatuak pentsio duinen alde mobilizatzen hasi zirenetik. Bost urteko borroka hori gogoan, aldarrikapenak berritzearekin bat ekitaldiak iragarri dituzte datorren asterako herriz herri, eta Azpeitira ere iritsiko dira horiek.
Horrela, Azpeitiko Jubilatuen eta Pentsiodunen Plataformak deitutako asteleheneroko elkarretaratzearen ondoren, elkartutako guztiek mokadutxoa egiteko aukera izango dute Azoka Plazan datorren astelehenean, hilaren 16an. Ohi bezala, 12:00etan hasiko da elkarretaratzea Azoka Plazaren atarian.