Aitatasunaren inguruan hausnartzeko helburuarekin, otsailerako eta martxorako lau saioko ikastaroa antolatu du Azpeitiko Udalak. On:Giz elkarteko Mikel Arakisek gidatuko ditu saioak eta, batez ere, hiru gai jorratuko dituzte: prozesu pertsonala aitatasun eta maskulinitatean; taldekideen artean gertuko eta konfiantzazko harremanak eratzea; eta familia eta gizartearekiko duten erantzukizun eta aukeren jabe izatea.
Saioak otsailaren 1ean eta 15ean eta martxoaren 1ean eta 15ean izango dira, 18:00etatik 20:00etara, Basazabal formazio zentroan, eta aitei zuzendutakoak izango dira, batez ere 0-6 urte bitarteko haurrak dituztenei.
Ikastaroan parte hartzeko beharrezkoa izango da aurrez izena ematea Azpeitiko Udaleko Hezkuntza Zerbitzuan, 943-255006 telefonora deituta edo hezkuntza@azpeitia.eus helbidera idatzita. Urtarrilaren 29a izango horretarako azken eguna, baina komenigarria da izena lehenbailehen ematea, toki kopurua mugatuta egongo delako eta taldea izen-emate hurrenkeraren arabera osatuko delako.