Oier Etxeberriak Mitxintxolako XII. Igoera irabazi du. Pasai Donibaneko (Gipuzkoa) tontorrik garaiena da Mitxintxola, eta hango Itsas Mendi mendi taldeak antolatzen du lasterketa.
Santiago plazatik abiatuta, 3,4 kilometroko ibilbidea osatu behar izan zuten korrikalariek atzo, eta Etxeberria izan zen helmugan azkarrena. Aritz Lasa eta Yelco Pardinas izan zituen gizonen podiumean ondoan azpeitiarrak; emakumeetan, berriz, Ainhoa Usandizaga, Ines Aguado eta Mari Jose Hernandez izan ziren lehen hirurak.