Anonyme Popular, ikus-entzunezko bertsoak garaiari eta giroari jarriak

Igor Elortzaren "bulkada batetik" hasi zen jaiotzen Anonyme Popular proiektua. Haren bertsoak izango ziren ondoren etorriko zenaren oinarria. Rafa Rueda musikariak doinua jarri, Azpeitiko Kulturaz kooperatibako ikus-entzunezko narratzaileek irudia ipini eta, ondoren, Oier Zuñiga antzerkigilea arduratuko zen ordura arte sortutako nola eszenaratu pentsatzeaz. Igandean estreinatuko dute Anonyme Popular ikuskizuna Azpeitiko Soreasu antzokian, 19:00etan hasita. Han elkartu da Erlo Telebista Elortzarekin, Ruedarekin eta Zuñigarekin.