Karnabaletan murgiltzear da Azpeitia, eta ohiko moduan, Udal Musika Bandak jai horien bueltako kontzertu berezia eskainiko du. Banda Gazteko, Juan Antxieta musika eskolako abesbatzako eta Julian Barrenetxea abesbatzako kideek ere parte hartuko dute emanaldian, eta gainera, Azpeitiko Argazki Elkarteko kideen karnabaletako argazkiekin osatutako bideoa ere emango dute kanta eta kanta artean.
Kaldereroetako eta Azpeitiko Karnabaletako abestiak entzun ahal izango dira 12:30etik aurrera Sanagustin kulturgunean. Honako hau izango da musikariek eta abeslariek Unai Frantsesena bandakoz zuzendariaren gidaritzapean eskainiko duten kontzerturako errepertorioa:
- Hungariar kanta (R. Sarriegi)
- Kaldereroen konpartsa (R. Sarriegi)
- Kaldereroen koruak II eta III (R. Sarriegi)
- Konpontzailea (J. A. Anter)
- Mazurka (R. Sarriegi)
- Trapu zaharrak (J. M. Iparragirre)
- Txarri baten gibela (Herrikoia)
- Sasikoipetxu (J. M. Udakiola)
- Goiz-eresia (J. I. Aldalur)
- Lolita (J. I. Aldalur)
- Sarralle buru haundi (Herrikoia)
- Bihotz eritua (Herrikoia)
- Iriyarena (Herrikoia)
- Pello Bixente (Herrikoia)
- Gora karnabalak, miamol! (Herrikoiak)