Basotik itsasora 2.0 ikuskizuna eskainiko dute ostiralean, otsailak 10, Soreasu antzokian. Dantza eta dokumental emanaldia 21:00etan hasiko da, eta Uztarriak Kulturaz kooperatibak emandako bi sarrera bikoitz zozkatuko ditu bazkideen artean.
Zozketan parte hartu nahi dutenek osteguneko 12:00etara arteko epea izango dute, eta horretarako bi aukera dituzte: batetik, lotura honetan eman dezakete izena, eta, bestetik, 943-56 01 64 telefonora deituta. Horrela egiten dutenek NA zenbakia eta zozketaren kodea tekleatu beharko dituzte. Kasu honetan, zozketaren kodea 50 da.