Alaia eta Hodei Juaristi anai-arreba eskiatzaileek Espainiako Sprint Txapelketa eta Distantzia Luzeko Espainiako Txapelketa jokatu dituzte asteburuan Baqueira-Bereteko (Katalunia) eski estazioan, eta emaitza txukunak erdietsi dituzte biek ala biek.
Larunbatean, sprintean, 20 urtez azpikoetan bigarren eta absolutu mailan seigarren sailkatu zen Alaia; Hodei, berriz, 18 urtez azpikoetan laugarren eta absolutu mailan bedertzigarren. Igandean, 21 kilometroko distantzia luzeko lasterketan, 20 urtez azpikoetan bigarrena eta absolutu mailako hirugarrena izan zen Alaia, eta 18 urtez azpikoetan bosgarrena eta absolutu mailako seigarrena izan zen Hodei.
