Uztarria Komunikazio Taldeak aurten ere photocall-a jarriko du Jai Karnabalean, plazan, kioskoaren atzeko aldean. 13:00etatik 14:30era izango dute herritarrek Uztarriaren polaroidean argazkiak ateratzeko aukera.
Argazkiak festa giroko apaingarriz eta osagarriz hornituta atera ahal izango dituzte hala nahi dutenek. Uztarriako kazetariek aterako dituzte argazkiak, eta horiek astelehenean izango dira ikusgai webgune honetan.
Gainera, aurten berrikuntza gisa, photocallean argazkia ateratzen dutenen artean Elikaguneak prestatutako otarre bat zozkatuko du Uztarriak. Asteazkenean jakinaraziko du nor den sariduna.
Animatu eta atera karnabaletako argazki dibertigarrienak Uztarriaren photocallean!
