Haurrei eta gaztetxoei zuzendutako beste tailer bat izango da igandean Ekoetxean. Hain zuzen ere, hozkailuaren kanpoaldean jartzeko apaingarriak egingo dituzte hara joaten direnek, 11:00etatik 12:30era bitartean. Zehazki, harri eta enbor zatitxoekin gauzatuko dituzte imandun apaingarriak.
Doako saioa izango da 6 eta 12 urte bitarteko haurrei zuzendutakoa, baina aurrez izena eman beharko da 943-81 24 24 telefono zenbakira deituta edo info.azpeitia@ekoetxea.eus helbide elektronikora mezua idatzita.