Asteburu honetan izango da zer egin herrian, eta eskaintza horren adibideetako bi dira El origen del hielo (tributo a Frozen) eta El musical de los 80's y los 90's musikalak. Igandean izango dira bi emanaldiak Soreasu antzokian; aurrena 17:30ean izango da, eta bigarrena, 20:00etan. Saioetarako sarrerak salgai daude Kulturazen webgunean.
El origen del hielo (tributo a Frozen) Onbeat Producciones etxeak egindako lana da, eta dantza eta kantua uztartzen ditu, Frozen filma oinarri hartuta. El musical de los 80's y los 90's musikala, berriz, Madrilgo Gran Vian eskaini dute hainbat hilabetez, eta Azpeitian egingo du geldialdia igandean. Lan hori ere Onbeat konpainiarena da, eta ikus-entzuleek 80ko eta 90eko hamarkadetako hainbat abestiz gozatu ahal izango dute.
Asteburuan ez da zinema emanaldirik izango Soreasu antzokian.