Igandeetako ohiturari jarraituta, haur eta gaztetxoentzako beste tailer bat egin dute gaur goizean Azpeitiko Ekoetxean. Gaurkoan, hozkailuaren kanpoaldean jartzeko apaingarriak egiten ikasi dute ikastarora bertaratu diren gaztetxoek. Hain zuzen, 11:00etatik 12:30era bitartean egin dute saioa, eta bertaratu direnek harriekin, makilekin eta poltsekin egin dituzte apaingarriak. Horiek koloreztatu dituzte aurrena, eta imana jarri diote ondoren, hozkailuan edo etxeko beste edozein lekutan apaingarri gisa jartzeko.