Kaleko Urdangak, The Reapers eta Rotten XIII taldeen kontzertuak izango dira larunbatean. Sanagustin kulturgunean izango dira kontzertuak, eta punk eta oi! musikaren zaleen hitzordua 21:30etan hasiko da. Uztarriak Kulturaz kooperatibak emandako sarrera bikoitz bat zozkatuko du bazkideen artean.
Sarreren zozketan parte hartu nahi duten bazkideek osteguneko 12:00etara arteko epea izango dute. Zozketan parte hartzeko, honako lotura honetan eman daiteke izena, edota 943-56 01 64 telefonora deituta. Horrela egiten dutenek NA zenbakia eta zozketaren kodea tekleatu beharko dituzte. Kasu honetan, zozketaren kodea 51 da.