Martxoak 8, Emakumeen Nazioarteko Eguna dela eta, Txalaparta argitaletxeak emandako Tupust! komiki antologia zozkatuko du Uztarriak bazkideen artean. Bazkideek datorren asteazkeneko, hilak 15, 12:00etara arte izango dute zozketan parte hartzeko aukera. Irabazlea egun horretan bertan jakinaraziko du Uztarriak.
Liburuaren zozketan parte hartu nahi duten bazkideek bi aukera dituzte. Batetik, webgune bidez, honako lotura honetan eman daiteke izena, edota 943-56 01 64 telefonora deituta. Horrela egiten dutenek NAN zenbakia eta zozketaren kodea tekleatu beharko dituzte. Kasu honetan, zozketaren kodea 52 da.
Tupust! komiki liburuaren gaia «Ni» da eta, ondorioz, antologia osatzen duten istorio guztiak niaren inguruan gorpuzten dira; hamalau komiki, hogei egile, helburu bakarra: komikigintzatik eta euskaraz, eredu tradizional heteropatriarkalaren deseraikitzea.