Martxoaren 30ean izango da Grafiaz Betea egitasmoko bosgarren saioa, aurtengo ikasturteko azkenaurrekoa, Alots Arregiren gidaritzapean. Artista azkoitiarrak kartelgintzaren gakoak azalduko dizkie parte hartzaileei, esparru horretan duen esperientzia oinarri hartuta.
Dinamoa sormen gunean izango da saioa, 18:00etan hasita, eta parte hartu nahi dutenek aurrez eman beharko dute izena Kulturaz kooperatibaren webgunean.