Potx eta Lotx pailazoak Azpeitian izango dira igandean. Potx eta Lotx aireportuan ikuskizun berria aurkeztuko dute Soreasu antzokian, 17:00etan hasita, eta dagoeneko sarrerak eskuragai daude Kulturaz kooperatibaren webgunean, zortzi euro eta erdiren truke
Izenburuak berak dioen moduan, oraingoan aireportura joango dira Potx eta Lotx, eta han gertatzen zaizkienen bueltan joango da ikuskizuna. "Urteak daramatzate egun honekin amesten; denbora askoan aurrezten ibili eta gero, hegazkinez bidaiatu ahal izango dute. Pozez zoratzen sartu dira aireportura, baina megafoniatik entzuten dute euren hegaldia atzeratu egin dela. Zer abentura biziko ote dituzte?".