Urdinduz Egunak irudi ederrak utzi eta giro bikaina sortu du gaur goizean Azpeitian. Autismoaren Nazioarteko Egunean, autismoa bistaratzeko egitasmoak jendetza elkartu du Loiola eta herriko plaza lotu dituen martxan.
Helburuak beteta, Gautenako eta Marea Urdinako antolatzaileek pozik eta eskertuta hitz egin dute amaieran. Bideoan, Urdinduz Egunaren irudi ikusgarriekin batera, Ibai Zulaika Gautenaren komunikazio arduradunaren eta Aritz Orbegozo Marea Urdinaren kidearen hitzak daude jasota.