Gipuzkoako Eskuz Binakako Errendimenduko Pilota Txapelketan lehen urteko kimuen mailan Ilunpeko Zuhaitz Labaka eta Aiurdi Peñagarikano izan dira onenak. Joan den larunbatean jokatu zuten finala, Arrasaten, Arrasateko Cristian Moledoren eta Ibai Osororen kontra, eta Ilunpekoek 16-8 irabazi zieten aurkariei.
Udaberri Sariko finalak ere asteburuan jokatu dituzte pilotari gazteek, eta jubeniletan irabazleak Ilunpeko Eneko Odriozola eta Oier Larrañaga izan dira. Kasu honetan, joan den ostiralean jokatu zuten txapelketako finala Eibarren, hango bertako Ibon Ibarraren eta Haitzart Iraolagoitiaren kontra. Azpeitiko pilotariak 11-22 eginda irabazi zuten finala.