Aste Santua dela eta, ordutegi berezia izango dute kiroldegiak eta igerilekuak. Bihartik astelehenera, apirilaren 6tik 10era, jaiegunetako ordutegia izango du igerilekuak; hain zuzen ere, 09:00etatik 14:00etara egongo da irekita. Kiroldegia ere goizez egongo da zabalik, 9:00tatik 13:00etara, eta larunbatean arratsaldez ere irekiko dute, 16:00etatik 20:00etara. Asteartetik aurrera, ohiko ordutegia izango dute bi guneek.
Kiroldegian kokatutako haurrentzako txokoak ere ordutegi berezia izango du egunotan. 0 eta 8 urte bitarteko haurrak eta beren familiak elkartzeko gunea da hori, eta ostegunetik astelehenera, goizez eta arratsaldez izango da zabalik.