Gaur arratsaldean hasi da Garmendipe futbol zelai artifizialean Domusa Teknik Azpeitia Cup infantil nesken txapelketa. Gaurtik igande eguerdira bitartean hamasei talde ariko dira nor baino nor: Lagun Onak A eta B, Osasuna, Eibar, Coruña, Madril, Espanyol, Burgos, Torello, Amara Berri, Beti Kozkor, Bizkerre, Ezkurdi, Mulier, Pozuelo de Alarcon eta Sanse.
Bihar, zapatua, goizez eta arratsaldez jokatuko dituzte partidak, eta igandean finaleko fasea izango dute.
Txapelketaz gainera, gaur goizean, Garmendipen lagunarteko hiruko txapelketa jokatu dute kadete mailako Lagun Onak, Mutriku eta Torello futbol taldeek.