Zaborra jasotzeko edukiontzi bat erabat kiskali eta beste bi nabarmen hondatu zituen atzo gauean piztutako suak Urola kalean, Trenbidearen Euskal Museoko autobus geltokiaren ondoan.
Udaltzaingoak jakinarazi duenez, 22:15ean jaso zuten sutearen abisua; suhiltzaileak bertaratu, eta garrak itzali zituzten. Suaren jatorriari dagokionez, ez dakite nahita ala bestela piztutakoa izan zen.
Goizean kendu dituzte udal langileek hondatutako edukiontziak, eta gaur jarriko dituzte berriak.