Bi kontzertu gaurekin agurtuko dute Sanagustin kulturgunean Aste Santuko eta Pazko Asteko opor aroa.
Zapatuan, 22:30ean hasita, drill eta rap doinuak izango dira nagusi Sanagustinen, Lagrimas de Sangre Bartzelonako taldearen eta Odei Barroso urruñarraren eskutik. Igandean, berriz, En Tol Sarmiento (ETS) Arabako taldea igoko da kulturguneko oholtzara, 18:30ean, duela hiru aste goraino bete zuen areto berea berriro ikus-entzulez betetzeko erronkarekin; sarrerak agortuta, leporaino bete zen Sanagustin martxoaren 24an, ETSkoen Azpeitiko aurreko kontzertuan.
Asteburu honetako kontzertuetarako sarrerak salgai daude Kulturazen webgunean.