ETB1eko SOS Kantak Arriskuan saiokoak Azpeitian ibili dira egunotan, saio horren ataletako bat grabatzen.
Azpeitiko festetan abesten ziren bertso zahar batzuk berreskuratzea eta horiek herritarren ahotsekin kantatuta jasotzea izan da saioaren xedea. Hain zuzen ere, atzo arratsaldean grabatu zuten Azpeitiari eskainitako atalaren azken emanaldia izango dena. Hainbat herritar igo ziren Sanagustin kulturguneko oholtzara, Klara Mendizabalen zuzendaritzapean berreskuratutako bertso zahar horiek abesteko.