Gatibuk kontzertua emango du Azpeitian maiatzeko lehen asteburuan. Datorren hilaren 6an, zapatua, Sanagustinen joko du Gernikako talde ezagunak, 22:30ean hasita.
Iaz plazaratu zuen Gatibuk EH Distopikala, bere hamargarren diskoa, eta lan berria aurkezteko kontzertu biran dabil orain. Bira horren barruan iritsiko dira Sanagustinera maiatzaren 6an.
Kontzerturako sarrerak, ohi bezala, Kulturaz kooperatibaren webgunearen bidez eskura daitezke.