Euskararekin eta euskaraz jolas egiteko, Xapokeitan galdera-erantzunen jolasa sortu dute Azpeitiko Udalak eta Uztarriak elkarlanean. Guztira, 232 lagunek eman dute izena, eta horiek gaur hasi eta hamalau egunez, egunero hamar galdera erantzun beharko dituzte. Ordutegi zabala dute horretarako, 08:00etatik 00:00etara, alegia.
Jokoa oso erraza da: galdera bakoitzak hiru erantzun posible izango ditu –horietako bakarra izango da zuzena–, eta parte hartzaileak bat aukeratu beharko du.
