Los Fabelman filma ikusteko aukera izango da asteburuan Soreasu antzokian. Bi emanaldi antolatu dituzte: igandean 19:30ean izango da lehena, eta astelehenean 21:00etan bigarrena. Sarrerak dagoeneko eskuragai daude Kulturaz kooperatibaren webgunean.
Steven Spielbergek zuzendu du Los Fabelman lana, eta zuzendariaren beraren haurtzaroari eta gaztaroari buruzko film erdi autobiografikoa. 1950eko hamarkadaren amaieran eta 1960ko hamarkadaren hasieran girotuta dago ikus-entzunezkoa. Arizonako Sammy Fabelman izeneko haur batek, bere ama xelebre eta artistak (Michelle Williams) eta bere aita pragmatiko eta informatikako ingeniariak (Paul Dano) eraginda, familia sekretu suntsitzaile bat aurkituko du, eta filmen botereak istorioak kontatzen eta bere nortasuna eratzen nola lagun diezaiokeen aztertuko du.