Gari eta Maldanbera taldeak zuzeneko saioa eskainiko du ostirala iluntzean Azpeitian. Hertzainak taldearen azken biraren ostean, Garik bere bidea jarraitu du eta Maldanbera taldearekin batera Bilbo, Lazkao, Algortan eta Bergaran grabatutako kontzertuak jaso dituen diskoa aurkeztuko du Sanagustin kulturgunean: Gari & Maldanbera. Zuzenean 2022. Aski ezagunak diren hainbat abestiz gozatzeko aukera izango dute bertaratzen diren herritarrek; besteak beste, Amets, Esperantzara kondenatua, Amapola, Eguzki berritan zaude, Zaharra zara Bilbo…
Kontzerturako sarrerak eskuragai daude Kulturaz kooperatibaren webgunean, hamasei euroren truke.