Aiako Zingira kanpinak Pagoeta Fest jaialdia hartuko du bihartik igandera bitartean, eta Uztarriak larunbateko ekitaldiez gozatzeko sarrera bikoitz bat zozkatu du bazkideen artean. Asko izan dira zozketan parte hartu duten bazkideak, eta zozketa egin ondoren, Oihana Zuazolazigorraga bazkidea izan da irabazlea.
Askotariko ekintzak
Artea, zirkua, musika eta umorea uztartuko ditu Pagoeta Fest jaialdiak, eta horretarako familia osoari zuzendutako askotariko ikuskizunak, kontzertuak, jokoak, ibilaldi eszenikoak eta instalazio artistikoak antolatuko dituzte. Bertan parte hartuko dute Euskal Herriko, Kataluniako, Espainiako eta Frantziako artistek eta konpainiek: Barre Taldea, Jean Philippe Kikolos, Teatro Sobre Ruedas, Maite Guevara, Las XL, Las Polis, Nando Caneca, Domi Circo, Maleta Company eta Cie Balancetoi.